Наурыз мейрамы қарсаңында Sergek ITS сарапшылары Астана мен Алматы жолдарындағы көлік жүктемесін талдап, өткен жылдағы мәліметтер негізінде биылғы ықтимал жағдайға болжам жасады. Зерттеу нәтижелері көрсеткендей, екі қалада да көлік қозғалысы 20 наурыз күні айтарлықтай артады.

Өткен жылы 20 наурызда Астанада таңғы қарбалас уақытта жолдағы қозғалыс жылдамдығы әдеттегі жұмыс күнімен салыстырғанда біршама төмендеген. Атап айтқанда, Бөгенбай батыр даңғылында екі бағытта да жылдамдық 5-11%-ға, Тілендиев көшесінің батыс бағытында 6-12%-ға, ал Тұран даңғылының солтүстік бағыты бойынша 13%-ға дейін азайды.

Кешкі қарбалас кезде Қабанбай батыр даңғылының оңтүстік бағытында жылдамдық 12-15%-ға дейін төмендеген. Сондай-ақ, Қорғалжын тас жолының батыс бағытында сағат 13:00-ден бастап түнге дейінгі аралықта қозғалыс жылдамдығы 10-15%-ға азайды.

Сонымен қатар, сағат 15:00-ден кейін Тұран даңғылының солтүстік бағыты мен Абылай хан даңғылының батыс бағытында жылдамдық 5-6%-ға төмендеген.

Алматыда дәл осы күні, яғни 2024 жылғы 20 наурызда, қала көшелерінің басым бөлігінде трафик 19-36%-ға дейін артты. Әсіресе, бұл өсім ВОАД-тың (солтүстік бағыт) және Әл-Фараби даңғылының (шығыс бағыт) бойында қатты байқалды. Мәселен, ВОАД-та көлік ағыны 36%-ға, ал Әл-Фараби даңғылында 31%-ға артты.

Дегенмен, пик сағаттарында орташа жылдамдық өзгеріссіз қалған, себебі жүктеме күн бойына біркелкі таралған.

Бұл қозғалыстың артуына не себеп? Аналитикалық деректерге сүйенсек, Астана мен Алматы тұрғындарының мереке қарсаңында қала сыртына шығуы – басты факторлардың бірі. Наурыздың ұзақ тойлануы адамдарға демалыстарын қала сыртында өткізуге мүмкіндік береді.

Наурыз мейрамы күндері, әсіресе Астанада, жолдардағы көлік саны әдеттегі демалыс күндерімен салыстырғанда азаяды. Дегенмен, кешкі уақытта трафик қайта өсіп, жылдамдық 6–8%-ға төмендеуі мүмкін.

2025 жылы да осы үрдіс қайталануы мүмкін, сондықтан тұрғындарға пик сағаттарында жолға шықпауға тарысып, жол бағытын алдын ала жоспарлап қосымша 15–20% уақыт қарастыру, мерекелік іс-шараларға жаяу баруға тырысып, қоғамдық көлікті жиі пайдалану ұсынылады.

large_кз_1.png

medium_кз_1.png

small_кз_1.png

thumbnail_кз_1.png

кз_1.png

Наурызда жол қозғалысы қалай өзгереді?

Sergek ITS сарапшылары Алматыдағы жол қозғалысын талдап, трафиктегі өзгерістерді анықтады. Ақпан мен наурыздың басындағы жұмыс күндерін салыстыру нәтижесінде жолдардағы жүктеменің артқаны және қарбалас сағаттардың жылжығаны байқалды.

Наурыздың басында Алматы көшелеріндегі көлік ағыны 8%-ға артты. Сағат 16:00 мен 17:00 аралығында қозғалыс 5%-ға азайса, 17:00 мен 18:00 аралығында керісінше 4%-ға өсті.

Кешкі қарбалас уақыттың бұл өзгерісі Рамазан айымен байланысты болуы мүмкін. Ауызашарға үлгеру үшін жүргізушілер сапарларын ертерек жоспарлап жатқанға ұқсайды.

17:00 мен 18:00 аралығында трафиктің ең көп өскені келесі көшелерде байқалды:

- Төле би (шығыс бағыты) → +15%,

- Төле би (батыс бағыты) → +12,1%,

- ВОАД (Оңтүстік) → +10,4%,

- Саина (Солтүстік) → +5,2%,

- Саина (Оңтүстік) → +5,4%.

Трафиктің артуы орташа жылдамдықтың төмендеуіне әсер етті.

Аль-Фараби (Шығыс) бағыты бойынша сағат 17:00 мен 18:00 аралығында жылдамдық 55 км/сағ-тан 46 км/сағ-қа дейін төмендеп, жолда жүру уақыты 19%-ға ұзарды.

Саина (Оңтүстік) бағыты бойынша осы аралықта жылдамдық 34 км/сағ-тан 27 км/сағ-қа дейін төмендеп, жол уақыты орта есеппен 23%-ға артты.

Бұл мәліметтер Sergek ITS — көлік қозғалысын бақылап, талдап, болжауға арналған интеллектуалды жүйе арқылы алынған. Біздің технологиялар қалаларға жол қозғалысын басқаруда тиімді шешімдер ұсынып, тұрғындар үшін қолайлы орта қалыптастыруға көмектеседі.

large_кз.png

medium_кз.png

small_кз.png

thumbnail_кз.png

кз.png

Алматыдағы көлік қозғалысы Рамазан айында қалай өзгерді?

Қазақстандық IT мамандардың әзірлемесі – Sergek Qorgau («Қорғау») мобильді қосымшасы халықаралық зерттеу ұйымдарының және салалық басылымдардың назарын аударды. IDC-тің «ақылды көлік» саласындағы жаһандық үрдістерге арналған аналитикалық сараптамасында Qorgau құқық қорғау органдарының цифрлық трансформациясының және жол қауіпсіздігін арттырудың озық үлгілерінің бірі ретінде аталды.

Халықаралық сарапшылар Қазақстанның жасанды интеллект пен компьютерлік көру технологияларын пайдалануындағы инновациялық тәсілін жоғары бағалады. 

 рассмотрены ключевые механизмы взаимодействия сияқты басылымдарда Sergek интеллектуалды жүйесі мен Qorgau қосымшасының негізгі функционалы қарастырылған. 

Sergek Group компаниясының бас директоры Евгений Кимнің айтуынша, қосымша патрульдік полиция қызметкерлерінің планшеттеріне орнатылады және қалалардағы аппараттық-бағдарламалық кешендермен біріктірілген.

"Sergek интеллектуалды жүйесі жол қозғалысы жағдайын нақты уақытта талдап, ақпаратты полиция қызметкерлерінің планшеттеріндегі Qorgau мобильді қосымшасына жібереді. Қосымшаның көмегімен жол ережесін бұзушыларды, жалған нөмір тағылған көліктерді, жүргізуші куәлігінен айырылған тұлғаларды, іздеуде жүрген көліктерді немесе ықтимал қауіпті жүргізушілерді анықтауға болады. Бұл шешімдерді қолдану полицияның қаладағы әртүрлі жағдайларға жедел әрекет етуіне және қылмыстардың ашылуын жеделдетуге мүмкіндік береді", - деді Евгений Ким.

Халықаралық талдау агенттіктері Қазақстанның жол полициясы жұмысын автоматтандыру бойынша кешенді тәсілді мемлекеттік деңгейде енгізген алғашқы елдердің бірі екенін атап өтті.

ҚР ІІМ Әкімшілік полиция комитетінің ерекше тапсырмалар жөніндегі аға инспекторы Талғат Кішкеновтің айтуынша, полиция қызметінде Sergek Qorgau қосымшасын қолдану қызметкерлерді ережебұзушыларды жеке-жеке бақылау және көліктерді себепсіз тоқтату қажеттілігінен босатты. Енді ережебұзушыларды, борышкерлерді және іздеуде жүрген автокөліктерді оңай анықтауға мүмкіндік бар.

"Жыл басынан бері Қазақстан жолдарында Sergek Qorgau мобильді қосымшасының көмегімен 8,5 мыңнан астам жол ережесін бұзу фактісі анықталды. Олардың ішінде 3,8 мыңнан астамы — сақтандыру полисінсіз көлік басқару, 1,3 мыңнан астамы — мемлекеттік нөмірсіз көлік жүргізу, 86 көлік — жалған нөмірлермен, 261 жүргізуші — жүргізуші куәлігінен айырылғанына қарамастан көлік басқару және 2 мыңнан астам көлік — техникалық байқаудан өтпегені анықталды. Сонымен қатар, 1000-нан астам автокөлік іздеу салынған көліктер ретінде ұсталды", - деді аға инспектор Кішкенов.

Қазақстанның бұл табысты тәжірибесін жасанды интеллект технологияларын қолдану арқылы жол қозғалысын бақылау тиімділігін арттыруға мүдделі өзге елдер де пайдалана алады. Халықаралық қызығушылық Sergek Qorgau және басқа да қазақстандық әзірлемелерді әлемнің өзге өңірлерінде енгізудің перспективалы үлгісіне айналдырып отыр.

Ақылды қалаларға арналған технологияларды әзірлеу саласындағы қазақстандық нарықтың көшбасшысы

Құрамына кіретін компаниялар:

Компания тарихы

Компанияның миссиясы

Sergek жобалары

Sergek тиімділігі -

Экспорт

Пилоттық жобалар

Өнімдер

Жаңалықтар

Наурызда жол қозғалысы қалай өзгереді?

Алматыдағы көлік қозғалысы Рамазан айында қалай өзгерді?

Sergek Qorgau халықаралық аренада: қазақстандық полицияның жетістігі шетелдік сарапшылар тарапынан бағаланды

Біз туралы айтылған

Ақпарат

Байланыс

TELEGRAM Каналдар