19 желтоқсан күні «Freedom Telecom Operations» ЖШС және «Көркем Телеком» ЖШС Жылыой ауданының «Қоғамдық және жол қауіпсіздігі үшін бейнебақылау жүйесіне техникалық қызмет көрсету» жобасы аясында Құлсары қаласындағы үш қоғамдық орында тегін Wi-Fi желісін іске қосты.

Енді Құлсары қаласының тұрғындары мен қонақтары келесі орындарда тегін интернетке қосыла алады:

• «Жансая» саябағы;
• «Достық» саябағы;
• «Мұнайшы» стадионы.

Бұл бастама цифрлық қолжетімділікті арттыруға, жайлы қалалық орта қалыптастыруға және тұрғындар көп жиналатын орындардың инфрақұрылымын жаңғыртуға бағытталған. Жаңа қызметтің арқасында тұрғындар навигацияны және қалалық онлайн-сервистерді пайдаланып, ақпарат алмасуға және байланыста болуға мүмкіндік алады.

Компания өкілдерінің айтуынша, қоғамдық Wi-Fi желісін енгізу өңірдегі қауіпсіздік деңгейін арттыруға және халықтың өмір сүру сапасын жақсартуға бағытталған кешенді жұмыстардың бір бөлігі болып табылады. Алдағы уақытта жобаны кеңейтіп, қамту аймағын ұлғайту жоспарланып отыр.