Sergek ITS мамандары Алматы қаласындағы жол қозғалысының жағдайын екі бірдей кезеңде – 28 желтоқсан мен 4 қаңтар аралығында (2024–25 және 2025–26 маусымдары) салыстырып, мерекелік трафикке тән бірқатар тұрақты үрдістерді анықтады.

Мереке алдындағы ең жоғары жүктеме – соңғы жұмыс күні

2024 жылы бұл күн 30 желтоқсан болды – 1,68 млн сапар, ал 2025 жылы 29 желтоқсанда – 1,56 млн сапар тіркелді.

Күнтізбе өзгергенімен, қозғалыс үлгісі айтарлықтай өзгермейді.

Негізгі магистральдардағы қозғалыс

Қаланың басты көшелеріндегі орташа тәуліктік көлік белсенділігі 12,5%-ға артты.

Қалаға кіретін және шығатын көлік ағыны да 12%-ға өскен.

Жылдағы ең тыныш күн – 1 қаңтар

Трафик шамамен 50%-ға төмендейді, жолға небәрі 380–420 мың автокөлік шығады. Алайда 2026 жылы түнгі белсенділік жоғары болды: сағат 01:00-де 4,5 мыңнан астам бірегей көлік шыққан. 2025 жылы бұл көрсеткіш 2,7 мың автокөлікті құраған. Бұл мерекелік орындар арасында қозғалыстың жиілегенін көрсетеді.

Қозғалыс белсенділігінің қалпына келуі

2 қаңтар күні көлік қозғалысының көлемі шамамен 10%-ға артады, 3 қаңтарда белсенділік 20%-ға дейін өседі. Бұл алматылықтардың қонаққа, ойын-сауық орталықтарына баруымен және қала сыртына шығуымен  байланысты болуы мүмкін.

Жаңа жылдық трафик – жыл ішіндегі ең болжамды уақыттардың бірі. Әр жылдағы жағдай бір-біріне ұқсас, тек аптаның күндеріне байланысты айырмашылықтар байқалады.

Бұл деректер келесі жылғы жүктемені болжауға, көлік инфрақұрылымын тиімді жоспарлауға және қозғалысты басқаруды жақсартуға мүмкіндік береді.