Сергек ITS сарапшылары жол бойындағы жолақтардың арасында біріншісінен екіншісіне жиі ауысып, газ бен тежеуішті жылдам басатын жүргізушілердің қанша уақыт ұтатынын анықтады. Интеллектуалды көліктік талдау, мониторинг және көліктік болжау жүйесінің мәліметтері бойынша агрессивті көліктердің "ұтатын" орташа уақыты небәрі 42 секундты құрайды. 

Зерттеу Алматыда бір апта бойы әл-Фараби даңғылының шығыс бағыттағы 16,5 км учаскесінде жүргізілді. Агрессивтілік критерийі ретінде келесі параметрлер алынды: жүргізуші бір жолақтан екіншісіне бір реттен көп ауысуы, орташа жылдамдығы 50 км/сағ-тан жоғары және жылдамдықты 65 км/сағ-тан күрт үдетуі. 

Талдау жүргізілген аптада аталған учаскеде 66 мыңнан астам көлік өтті, оның 22 мыңы агрессивті жүргізу түрін көрсетті. Бұның 6 мыңы такси жүргізушілері. Сонымен қатар, жалпы көліктердің 23,5% кем дегенде бір рет агрессивті жүргізуші белгісін көрсетіп, ал 9,5% — мұны тұрақты түрде жасаған.

«Агрессивті» жүргізуші мен «қауіпті» жүргізуші сияқты ұғымдарды ажырата білу керек. Қауіпті жүргізушіден айырмашылығы, агрессивті жүргізуші өрескел тәртіп бұзбайды, бірақ оның маневрлері арқылы басқа жол қозғалысына қатысушыларға ыңғайсыздық туғызады, апатқа ұшырау қаупін арттырады. Жүргізушілер бар болғаны 42 секунд үнемдеу үшін өзінің және өзгенің өмірін қатерге тігу керек пе деген сұраққа ойланып көргені жөн», - деп атап өтті компания.

Естеріңізге сала кетейік, Sergek ITS (Intelligent Transportation System) - қазақстандық мамандардың әзірлемесі. Бұл қаладағы кептелістердің себептерін анықтауға, қоғамдық көліктердің тиімді маршруттары мен кестелерін жасауға, қалалық инфрақұрылымды жоспарлауды өзгертуге, сондай-ақ оның себептерін түсінуге мүмкіндік беретін және адамдардың маятниктік көші-қонына сараптама жасайтын талдау, бақылау және көліктік болжамдарға арналған интеллектуалды көлік жүйесі.

Сколько времени «выигрывают» агрессивные водители

large_Сколько времени «выигрывают» агрессивные водители.png

medium_Сколько времени «выигрывают» агрессивные водители.png

small_Сколько времени «выигрывают» агрессивные водители.png

thumbnail_Сколько времени «выигрывают» агрессивные водители.png

Сколько времени «выигрывают» агрессивные водители.png

Алматыда агрессивті жүргізушілер  қанша уақыт «ұтып» жүр?

Almaty Creative шығармашылық салаларды дамыту орталығында жол қауіпсіздігі жөніндегі бағдарламаларды қайта қарастыруға арналған сараптамалық кездесу өтті. Sergek Group ұйымдастырған іс-шараға мемлекеттік органдардың, бизнестің, қоғамдық ұйымдардың өкілдері және жол қауіпсіздігі саласындағы сарапшылар қатысты.

Биыл Президент Жолдауында жолдардағы қауіпсіздік мәселесі ерекше атап өтілді: жыл сайын ЖКО салдарынан 2000-нан астам адам қаза тауып, зардап шеккендердің саны 15 мыңнан асады. Алматыда өткен жылы апаттардан 142 адам қаза тапқан, оған дейін бұл көрсеткіш 96 адам болса, 2020 және 2021 жылдары жыл сайын 84 адам көз жұмған. Жол-көлік оқиғаларының салдарынан 161 адам қаза тапқан 2019 жылғы қайғылы статистиканың қайтып келуіне жол бермес үшін тек кешенді шараларды қарастырып қана қоймай, сонымен қатар фокусты көлік инфрақұрылымынан жалпы ақпараттандыру, азаматтық белсенділік, жол қауіпсіздігі мәселесі мен адам өмірінің құндылығын түсінуге бағдарлау қажет.

"Біз мемлекеттік органдармен бірнеше жыл бойы жұмыс істеп келеміз, ЖКО салдарынан болатын өлім-жітім мен жарақаттануды азайту үшін қандай шаралар қабылданып жатқанын да көріп жүрміз. Алайда бұл күрес тек әкімдіктер мен полицияның міндеті емес, бұл барлығымыздың, яғни бизнес өкілдерінің, сарапшылардың, жұртшылықтың және, әрине, белсенді азаматтық ұстанымы бар адамдардың әлеуметтік жауапкершілігі екенін түсіну қажет. 
Sergek Group smart city саласындағы технологиялар бойынша жұмыс жасайды, ал біздің кешенді зияткерлік жүйеміз – шешімдеріміздің бірі болып табылады. Сонымен қатар, біз өнімдер желісін үнемі кеңейтіп отырамыз, мысалы, бүгінгі таңда Sergek ITS атты өніміміз жол қозғалысы ережелерін бұзушылықты талдай алады. Бұл шешім уәкілетті органдарға жол қозғалысы мен ЖКО себептерін болжамды талдауға көмектесе алады. Осы тәжірибені барша мүдделі тараптардың пайдалана алуы үшін осы іс-шараны бастап жатырмыз.   
Адам өмірінің құндылығы – бірінші орында тұруы керек ұғым. Біз сәтті жүзеге асқан халықаралық тәжірибелерді қабылдап қана қоймай, мәдени және қоғамдық ерекшеліктерімізге сүйене отырып, өзіндік тәжірибемізді құруымыз қажет. Осы себептен ресурстарды шоғырландырып, әрбір қазақстандықтың мүддесін қорғайтын қоғамдастық құрғымыз келеді. Дәл осылай ғана біз қауіпсіз, өмірге жайлы қалаларға қол жеткізе аламыз", - деп атап өтті Sergek Group негізін қалаушы Асет Ахметов.

Аралас фасилитация және фокус форматындағы іс-шара барысында қатысушылар бірнеше топтарға бөлініп, бірқатар сұрақтарға жауап берді. Vision Zero бағдарламасының соңғы бес жылдық сәтті шешімдері талданған соң, қатысушылар жол қауіпсіздігі мәдениетін енгізудің әлеуметтік қадамдарын ескере отырып, алдағы бес жылды талқылауға көшті. Тактикалық урбанизмді алдыңғы қатарлы инфрақұрылымдық шешімдермен қатар интеграциялау тақырыбына негізделді, себебі, сарапшылардың пайымдауынша, қауіпсіздік жөніндегі бағдарламалардың басты мақсаты – қатардағы азаматтарға бағытталған ақпараттық қолжетімділік болып табылады. Осылайша, уәкілетті органдар мен топтардың өкілі ретінде шақырылған іс-шараның әрбір қатысушысы өзара түсіністікке келіп, тараптардың әрқайсысы жол қауіпсіздігі жөніндегі жобаларды табысты іске асыруға қандай үлес қоса алатыны туралы сөз қозғады.

"Бірнеше жыл бойы Қазақстанда Vision Zero атты швед бағдарламасы енгізілуде. Алайда жоба жол инфрақұрылымына көбірек бағытталған. Бұл ыңғайда жұмыс істеу жеткіліксіз, бағдарламаны контекстілеу керек, жұртшылықты назарға алу керек, себебі көлік жүргізу мәдениеті, жүргізушілер мен жаяу жүргіншілердің әдеттері білім беру және ақпараттық науқандарды енгізу кезінде ерекше икемді қажет етеді. Ең алдымен, мемлекеттік органдар, бизнес өкілдері, сарапшылар және қала тұрғындары секілді барша стейкхолдерлердің күш-жігерін біріктіріп, одан соң ғана кешенді стратегияны іске асыруға бағыттау қажет. Бүгінгі кездесудің қорытындысы бойынша біз құрылымы, миссиясы және т.б. ашық та анық, заңды нысаны бар қоғамдық бірлестік қажет деген пікірге келдік. Осылайша, кез келген адам, яғни жеке тұлға болса да, бизнес өкілі болса да, жолдардағы өлім-жітімді төмендету мақсатын іске асыру үшін аталмыш қорға қосыла алады. Осы секілді шаралар жұртшылық тарапынан сенім мен қолдау тудырады деп сенеміз", - деді компанияның жоба менеджері Ерқанат Заитов.

Общественники и эксперты Алматы обсудили,  как могут улучшить дорожную безопасность

large_Общественники и безопасники обсуждение.JPG

medium_Общественники и безопасники обсуждение.JPG

small_Общественники и безопасники обсуждение.JPG

thumbnail_Общественники и безопасники обсуждение.JPG

Общественники и безопасники обсуждение.JPG

Алматылық қоғам белсенділері мен сарапшылар жол қауіпсіздігін қалай жақсартуға болатынын талқылады

Sergek ITS сарапшылары Астана мен Алматы қалаларындағы трафикті зерттеді. Олар жолдардың сыни жүктеме деңгейі бір уақытта жылжып келе жатқан көліктердің санына байланысты екенін анықтады.  Бұл кептелістің ұлғайып салдарынан жолдағы уақыттың артуына әкеледі. Астанада жолдардың сыни жүктемесі 136 мыңнан астам көлік бір мезгілде қозғалғанда байқалады. Алматыда бұл көрсеткіш 205 мың көлікті құрайды.

Сонымен қатар, Sergek ITS мамандары Астанада бір мезгілде 100 мыңнан аспайтын, ал Алматыда 170 мыңнан аспайтын көлік қозғалған жағдайда ыңғайлы қозғалыс қамтамасыз етілетінін есептеді. Мұндай көлік санында жүргізушілер кептеліссіз қажетті орынға жете алады. Бұл көрсеткіштерден асқан кезде кептелістер пайда болады.

Екі қалада да көлік желісіне ең көп жүктеме таңғы 8:00 және кешкі 18:00-ге келеді. Осы уақытта жолдарда ең көп көлік саны тіркеліп, жылдамдық ең төменгі деңгейге дейін түседі.

Мұндай көлік талдауы Sergek ITS (Intelligent Transportation System) жүйесінің арқасында мүмкін болды. Жүйе жинақталған үлкен деректерді пайдаланып, қаладағы көлік қозғалысын цифрландыруға, кептелістер мен апаттардың себептерін анықтай отыра шешім жолдарын ұсынады. Сонымен қатар, жүйе жол желісін, қиылыстарды, бағдаршамдарды және жолдардың конфигурациясын тиімді басқаруды қамтамасыз етеді.

Компанияның айтуынша, тек бір саланы жақсарту арқылы көлік мәселелерін шешу мүмкін емес. Ол үшін кешенді тәсіл қажет.

"Жолдардағы жағдайды едәуір жақсарту үшін жол желісін басқарудың инновациялық әдістерін енгізіп қана қоймай, метро, трамвай жолдарын салу, қоғамдық көлікке арналған бөлінген жолақтар желісін дамыту, ағымдағы маршруттық желіні оңтайландыру және ыңғайлы көлік-трансплантациялау тораптарын құру арқылы қоғамдық көлікті дамыту қажет", - деп бөлісті Sergek Group көліктік талдау департаментінің басшысы Гаухар Достанова.

Оның айтуынша бұл шаралар азаматтарға өздеріне ыңғайлы көлікті таңдауға мүмкіндік береді мысалы автобустан метроға немесе көліктің басқа түріне оңай ауысып жеке көлікке лайықты балама жасайды және нәтижесінде негізгі жолдарға түсетін жүктеме төмендейді. 

Сонымен қатар, Sergek Group көліктің барлық түрлерін бірыңғай жүйеге біріктіру және икемді тарифтерді енгізу көлік ағындарын тиімдірек басқаруға және жол жүктемесін азайтуға көмектесетінін атап өтті.

Астана мен Алматыда жайлы қозғалыс үшін көлік саны қанша болуы қажет

large_Астана мен Алматыда жайлы қозғалыс үшін көлік саны қанша болуы қажет.png

medium_Астана мен Алматыда жайлы қозғалыс үшін көлік саны қанша болуы қажет.png

small_Астана мен Алматыда жайлы қозғалыс үшін көлік саны қанша болуы қажет.png

thumbnail_Астана мен Алматыда жайлы қозғалыс үшін көлік саны қанша болуы қажет.png

Астана мен Алматыда жайлы қозғалыс үшін көлік саны қанша болуы қажет.png

Астана мен Алматыда ыңғайлы қозғалыс үшін  көлік санының шегі белгілі болды

Экология және қоршаған орта басқармасы мен Алматы қаласының мамандандырылған табиғат қорғау прокуратурасы Sergek Group компаниясымен бірлесіп, оңтүстік астанада спектрометр атты арнайы құрылғыларды орнатты. Бұл көліктерден бөлінетін газ құрамын өлшеу және талдау үшін пайдаланылатын өлшем құралдары болып табылады. 

Мамандардың айтуынша, бұл инновациялық жоба ауа сапасының мониторингін жақсартуға және қалалық жағдайда пайдаланылатын автомобильдер арасында экологиялық стандарттардың сақталуына ықпал етуге бағытталған. Бүгінде ұқсас жүйелер әлем бойынша тиімді жұмыс істейді, мәселен, EDAR (Emissions Detection and Reporting) және Opus технологиялары Мадрид, Венеция, Берлин, Франкфурт, Лондон, Брюссель, Париж және басқа да ірі қалаларда сәтті енгізілген.

Спектрометрлер тар учаскелерде жолдың қарама-қарсы жақтарына орнатылады және жарық сәулелерінің көмегімен көлік құралын тоқтатпай-ақ нақты уақыт режимінде өтіп бара жатқан көліктерден шыққан газ құрамы туралы деректерді жинайды. Мұндай автоматтандыру экопосттардағы тексеру кезінде адами факторды болдырмауға мүмкіндік береді және сыбайлас жемқорлыққа жол бермейді. Sergek аппараттық бағдарламалық кешенімен интеграцияланған соң аталмыш технология шығарындылары нормадан тыс көліктердің мемлекеттік нөмірлерін автоматты түрде анықтауға мүмкіндік береді. Алайда қазіргі уақытта жоба тек Алматы қаласы бойынша ауаға көліктерден шығатын газдардың орташа мәндерін анықтауға бағытталған.

Бұл құрылғылар көмірқышқыл газы, көміртегі тотығы, азот оксидтері, көмірсутектер және аммиак сияқты заттардың концентрациясын анықтай алады және оптикалық тығыздық арқылы дизельді көліктердің түтінін бағалай алады.

Бастама биылғы Алматы қаласындағы экологияны жақсарту жөніндегі іс-шаралардың бір бөлігі болып табылады. Мамандандырылған табиғат қорғау прокуратурасы, Экология және қоршаған орта басқармасы Sergek Group компаниясымен бірлесіп, инновациялық технологиялық шешімдерді енгізу арқылы қалалардың тұрақты дамуын қолдауға бағытталған бағдарламаларды енгізуде.

В Алматы начали работу спектрометры для контроля автомобильных выбросов

large_Спектрометры.JPG

medium_Спектрометры.JPG

small_Спектрометры.JPG

thumbnail_Спектрометры.JPG

Спектрометры.JPG

Алматыда автомобиль шығарындыларын бақылауға арналған  спектрометрлер жұмысын бастады

Sergek ITS сарапшылары тамыз және қыркүйек айларында Астана мен Алматы қалаларындағы жол қозғалысы жағдайын зерттеді. Зерттеу нәтижесінде күз келгенде жүргізушілердің межелі жерге уақытында жетуі үшін жолға 30%-ға көбірек уақыт жоспарлауы қажеттігі анықталды. Бұл қыркүйек айында кейбір көшелерде көлік жылдамдығының 20-25%-ға төмендеуімен байланысты.

Айта кетейік, жаңа оқу жылының басталуымен таңғы қарбалас уақытта кейбір көшелерде тамыз айымен салыстырғанда көлік саны екі есе көбейген.

Мәселен, 2 қыркүйек күні Астана қаласында таңғы 7:00-де Сарайшык көшесіндегі орташа жылдамдық 26 тамыздағы дүйсенбідегі көрсеткішпен салыстырғанда 20%-ға төмендеді. Бұл күні Сарайшык көшесіне 7,5 мың көлік орнына 11 мыңнан астам жүргізуші шыққан. 

Ұқсас жағдай елордадағы басқа да негізгі даңғылдарда байқалды. Мәселен, Мәңгілік Ел даңғылына шыққан көліктер саны шамамен 40%-ға, ал Тұран даңғылында 30%-ға артқан.

Алматы қаласында көлік қозғалысы ең көп жүктелген даңғылдар – Әл-Фараби және Абай даңғылдары болды. 2 қыркүйек күні таңертең батыс бағытта Әл-Фараби даңғылына 8 мың көлік орнына 11 мың көлік шығып, қозғалыс жылдамдығы 15%-ға төмендеген. Ал Абай даңғылында екі бағытта да 17 мың көлік орнына 23 мың көлік шығып, қозғалыс жылдамдығы бірден 25%-ға төмендеген.

Сонымен қатар, Райымбек даңғылында (14%), Төле би көшесінде (20%) және Шығыс айналма жолында (14%) көлік санының өскені байқалған.

Осылайша, оқу жылы басталғанға дейін жүргізуші жолда шамамен бір сағат уақыт жұмсаса, қазіргі жылдамдық пен кептелістерді ескерсек, бұл уақыт шамамен 1 сағат 20 минутқа созылады.

Талдау барысында 26 тамыз бен 2 қыркүйек дүйсенбі күндеріндегі орташа қозғалыс жылдамдығы мен көлік саны сияқты параметрлер негізге алынды. Зерттеуге Астана мен Алматы қалаларының ең жүктелген көшелері енгізілді.

Еске сала кетейік, Sergek ITS (Intelligent Transportation System) – бұл қаладағы кептелістердің себептерін анықтауға, қоғамдық көлік үшін тиімді бағыттар мен кестелер құруға, қалалық инфрақұрылымды жоспарлауды өзгертуге, сондай-ақ адамдардың маятниктік көші-қонының себептерін түсінуге мүмкіндік беретін интеллектуалды көлік жүйесі.

Осенние пробки: анализ загруженности дорог  Астаны и Алматы в сентябре

large_astanaits.png

medium_astanaits.png

small_astanaits.png

thumbnail_astanaits.png

astanaits.png

Күзгі кептелістер: қыркүйек айында Астана және Алматы жолдарының кептелісін талдау

Sergek Group және Almaty Air Initiative мамандары бірлесіп, Алматыдағы ауа сапасын зерттеді.  Экодатчиктер қозғалысы тығыз жол қиылысында және оның жанындағы аулада орнатылып, сол уақытта әртүрлі жағдайларда көмірқышқыл газы мен ластаушы заттардың концентрациясын салыстыруға мүмкіндік берді. 

Аула мен жол қиылысының арасындағы CO2 (көмірқышқыл газы) деңгейінің айырмашылығы 13%-ды, ал PM2.5 (ауадағы лас қосымшалар) деңгейінің айырмашылығы 23%-ды құрады, бұл аулада ауа сапасының жақсырақ екенін көрсетеді.

PM2.5 — бұл автомобильдерден, асфальттан, шиналардан және басқа да заттардан шығатын ұсақ зиянды қосымшалар. Өлшемі тым кішкендай болғандықтан  адам ағзасына тез еніп, денсаулыққа зиян келтіруі мүмкін. PM2.5 жоғары концентрациясы бар жерлерде ұзақ уақыт болу жүрек, тамыр және өкпе ауруларының дамуына ықпал етеді. Мысалы, қан құрамындағы эритроциттің мөлшері шамамен 7 мкм, ал PM2.5 бөлшектерінің мөлшері 2,5 мкм-ден аз.

Сонымен қатар, мамандар жұмыс және демалыс күндеріндегі көрсеткіштерді салыстырды. CO2 деңгейі екі датчикте де айтарлықтай өзгермеді, ал PM2.5 концентрациясы жұмыс күндерінде аулада да, қиылыста да демалыс күндеріне қарағанда екі есе жоғары болды. Экодатчиктердің адам бойынан сәл жоғары орнатылғанын ескерсек, ластаушы заттардың концентрациясы тыныс алу деңгейінде одан да жоғары болуы мүмкін. Бұл әсіресе жолдың бойында отырған ересектер мен арбадағы балалар үшін маңызды.

Әлемде ауа сапасын жақсарту мәселесі өткір тұр. Бірқатар елдерде жүк көліктері мен экологиялық емес көліктер үшін шектеу аймақтары енгізілген. Қазақстан билік өкілдері автокөліктің экологияға әсерін төмендету жолында жұмыс істеуде. Бұл – бизнес пен халықтың мүдделерін ескере отырып, бірлескен шешімдерді қажет ететін кешенді мәселе.

Экодатчики Sergek проанализировали воздух Алматы

large_Экодатчики.jpg

medium_Экодатчики.jpg

small_Экодатчики.jpg

thumbnail_Экодатчики.jpg

Экодатчики.jpg

Sergek экодатчиктері Алматының ауасын зерттеді

Астанада "IT, PR және БАҚ — түсіну коды" тақырыбында Митап өтті. Sergek Group-тың тоқсан сайынғы it-сәрсенбісі осы жолы журналистика күні қарсаңында ұйымдастырылды. Митап тыңдаушылары БАҚ-қа жаңалықтарды жариялау, өз өнімдерін пиарлау, өнімді тікелей журнал мұқабасына өткізу және жеке бренд құру сырларымен танысты.

«IT-сәрсенбі» митап идеясы өткен жылғы цифрландыру күні қарсаңында дүниеге келген. Сол уақыттан бері дәстүрлі түрде әр сәрсенбіні тек сәтті емес «ІТ күніне» де айналдырдық. Біздің Митап тек  IT мамандарын ғана емес, сонымен қатар студенттерді, PR мамандарын, маркетологтарды – жалпы осы салада жүрген жандардың барлығын біріктіреді. Осылайша мықты нетворкинг пен ортақ тартылыс нүктесін жасай алдық деген үміттемін", - деп бөлісті Sergek Group СЕО-cы Асет Ахметов.

Оның айтуынша кездесуге қатысуға ниет білдірушілермен қатар серіктес болғысы келетіндер де біршама екен. Мысалы, NURIS Назарбаев Университетінің Инновациялық кластері ресми серіктес атанып, іс-шараны өткізу орнын ұсынады. Ал The Tech порталы ақпараттық серіктес болды.

Айтпақшы, Sergek Group митаптары әр тоқсан сайын ақысыз негізде өткізіледі. Митап тақырыптары үнемі өзгеріп отырады. Күн тәртібіне байланысты спикерлер айтидегі нақты кейстер, жаңа әзірлемелер, қауіпсіздік технологиялары туралы баяндайды. Өткен митап алдағы журналистика күніне арналғандықтан спикерлер тауашалық басылымдардың, PR агенттіктерінің және т.б. өкілдері болды.

Как презентовать свой стартап,  чтобы попасть в СМИ

large_DSC00638-Улучшено-NR.jpg

medium_DSC00638-Улучшено-NR.jpg

small_DSC00638-Улучшено-NR.jpg

thumbnail_DSC00638-Улучшено-NR.jpg

Как презентовать свой стартап,  чтобы попасть в СМИ.jpg

Идеядан мұқабаға дейін: БАҚ бетіне шығу үшін стартапты қалай ұсынуға болады?

Sergek Group «Интеллектуалды трафик басқарудағы ең үздік шешім» (Best Smart Traffic Management Solution) атты номинациясында Future Digital Awards for Smart Cities & IoT Innovation 2024 халықаралық байқауының алтын жүлдегері атанды. Компания өз шешімдерін «Ақылды қалалардағы тұрақты даму және инновация» санатына ұсынған болатын.

Конкурсты ұйымдастырушы – «Juniper Research», мобильді және цифрлық технология саласындағы жетекші сараптамалық компания. Аталған сыйлықтың үш санаты, яғни заттар интернеті, ақылды қалалар және төрешілерді таңдау жыл сайын әлемнің түкпір-түкпіріндегі компаниялардың назарын өзіне аударады. Номинанттарды іріктеу кезінде өнімнің инновациялары, оның сипаттамасы мен артықшылықтары, серіктестік қарым-қатынас, сертификаттары мен халықаралық талаптарға сәйкестігі, сондай-ақ бизнесті дамыту перспективалары сияқты критерийлер ескеріледі.

Айта кетерлік, бұрынырақта байқау жеңімпаздары қатарында Amazon, Siemens, IBM және т.б. әлемге әйгілі компаниялар болған.

Sergek Group директоры Әсет Ахметовтың айтуынша,  бұл байқаудағы жеңіс ақылды қалалар саласындағы қазақстандық шешімдердің беделділігін дәлелдейді. Осы уақытқа дейін номинанттар құрамына тек танымал трансұлттық корпорациялар кірген болатын. Сергек шешімдері платина сыйлығын алған американдық қалалық ұтқырлық платформасын алға өткізіп, өз санатында «алтын» атанды.

«Бұл біздің әлемдік аренадағы алғашқы жетістігіміз емес. 2020 жылдың желтоқсанында біз "Intelligent Transportation" санатында IDC Digital Transformation Awards сыйлығын ұтып алдық. Бұл номинация зияткерлік көлік жүйелері саласындағы жобаларды бағалаған болатын. Бүгін біз мұны Future Digital Awards арқылы да растадық. Ақылды қалалар саласындағы озық тәжірибеміз тек Қазақстанда емес, ел сыртында да танымал болып келе жатқанын мақтан тұтамыз. Өйткені, біздің бағдарламаларымызды экспорттау – тек бизнес емес, сонымен қатар елдің әлемдік аренада ұсынылуы», - деп бөлісті Ахметов.

Казахстанская IT-компания выиграла золото

large_Казахстанская IT-компания выиграла золото.PNG

medium_Казахстанская IT-компания выиграла золото.PNG

small_Казахстанская IT-компания выиграла золото.PNG

thumbnail_Казахстанская IT-компания выиграла золото.PNG

Казахстанская IT-компания выиграла золото.PNG

Қазақстандық IT-компания халықаралық байқауда алтын жүлдегер атанды

ҚР Өнеркәсіп және құрылыс министрлігінің бастамасы бойынша ЦДИАӨМ, Sergek Group, «ҰАТ» АҚ және әкімдіктермен бірлесіп, су тасқынынан зардап шеккендер үшін жаңа тұрғын үйлер салу орындарында бейнекамералар орнатып, бейне ағындарын Sergek VMS кешенді бейнебақылау жүйесіне біріктіру жұмыстарын жүргізді.

«Біз бұған дейін gov.kz платформасында су тасқынына қарсы іс-шаралар өткізілетін орындардан трансляция шығардық. VMS кешенді жүйесінің көмегімен қазақстандықтар зардап шеккендер үшін салынып жатқан тұрғын үй құрылысының барысын бақылай алады. Қазақстандықтардың өмірін жақсарту, олардың қауіпсіздігі мен ақпараттандырылуы үшін әзірлеген технологияларды қолдану - біздің әлеуметтік жауапкершілігіміз. Біз ел үшін қиын уақытта пайдалы болғанымызға қуаныштымыз. Біздің қызметкерлер өз құзыреті шегінде қажетті көмек көрсету үшін ТЖ жедел штабтарында және су басқан елді мекендерде еңбек етуде», - деп Sergek Group бас директоры Асет Ахметов бөлісті.

Қазіргі уақытта Қазақстанның алты облысындағы (Ақмола, Ақтөбе, Батыс Қазақстан, Қостанай, Солтүстік Қазақстан және Атырау облыстары) құрылыс алаңдарына 55 бейнекамера орнатылды. Олардың онлайн трансляциясы gov.kz сайтында тәулік бойы қолжетімді.

«Өнеркәсіп және құрылыс министрлігі су тасқынынан зардап шеккен елді мекендерде тұрғын үйді қалпына келтіру жұмыстарын бақылау және үйлестіру үшін ахуалдық орталық құрды. Бүгінгі таңда ахуалдық орталық залалды өтеу туралы барлық өтініштермен жұмыс істеп, әр ауылда, аудан орталығында және қалаларда құрылыс барысын қатаң бақылауда ұстайды. Министрлік қызметкерлері өңірлерге барып, құрылыс орындарын тексерумен қатар, жергілікті жерлерде мәселелерді шешіп, жұмыс барысын қадағалау үстінде. Онлайн бейнемониторинг құрылыс пен жөндеу жұмыстарын жедел тәртіппен бақылауға және мерзімнен артта қалған жағдайда тезірек әрекет етуге мүмкіндік береді. Ашық жұмыс форматы біз үшін маңызды, біз тұрғындарымызды тұрғын үйді қалпына келтіру бойынша жүргізіліп жатқан жұмыстары туралы хабардар еткіміз келеді», - деп түсіндірді Өнеркәсіп және құрылыс вице-министрі Жаннат Дубирова.

Естеріңізге сала кетейік, Sergek Video Management System (Sergek VMS) – бұл қоғамдық қауіпсіздікті қамтамасыз етуге немесе бизнесті оңтайландыруға арналған аналитикалық құралдары бар кешенді бейнебақылау жүйесі. Ол қаланың көшелері мен аулаларында, қоғамдық орындарда, білім беру мекемелерінде, өнеркәсіптік нысандарда, сондай-ақ әуежайларда, вокзалдарда және басқа да стратегиялық нысандарда қауіпсіздікті қамтамасыз етуге арналған. Sergek VMS көмегімен уәкілетті қызметкерлер әртүрлі жағдайларды қадағалап, уақтылы әрекет ете алады.

Мониторить ход строительства жилья можно через Сергек

large_3_06_Мониторить ход строительства жилья можно через Сергек.jpg

medium_3_06_Мониторить ход строительства жилья можно через Сергек.jpg

small_3_06_Мониторить ход строительства жилья можно через Сергек.jpg

thumbnail_3_06_Мониторить ход строительства жилья можно через Сергек.jpg

3_06_Мониторить ход строительства жилья можно через Сергек.jpg

Су тасқынынан зардап шеккен өңірлерде тұрғын үй құрылысының барысын Sergek арқылы бақылауға болады

Қазақстандық IT-компания өзінің трафик пен мобильділік бойынша жұмыс істейтін бағдарламасына ITS Indonesia ұйымынан VV&E (Verification, Validation & Evaluation) сәйкестік сертификатын алды. Бұл құжат сергектік платформаның функциялары мен мүмкіндіктері Индонезияның мемлекеттік стандарттарына сәйкес келетіндігін растайды. 

Sergek Group жаһандық нарықтар жөніндегі директоры Алена Ткаченконың айтуынша, бұл сертификатты алу – Индонезияда көліктік ұтқырлықты дамыту жолында пайдаланылуы мүмкін қазақстандық шешімдердің сәйкестігін растайды. 

Сонымен қатар, Sergek Group компаниясы мен Индонезияның болашақ астанасы – салынып жатқан Нусантара қаласының әкімшілігі арасындағы үш айлық пилоттық жоба аяқталды. Осы уақыт ішінде AI платформасы алға қойылған міндеттерді шешіп, көлік саласындағы қазақстандық интеллектуалды шешімдердің халықаралық нарықта сәтті жүзеге аса алатынын дәлелдеді. 

Sergek компаниясының жасанды интеллект платформасының аясында интеллектуалды көлік талдауына, мониторинг пен болжамға, сондай-ақ экология мен жол қауіпсіздігіне жауап беретін модульдер іске асырылды. Пилоттық жоба барысында қазақстандық мамандар қомақты деректерге талдау жасап, оның негізінде көлік ағындарының сипаты, ең жоғарғы трафик кезеңдері мен шамадан тыс жүктелген маршруттар туралы нақты мәліметтер берді. Бұл ақпарат индонезиялық серіктестердің екі маңызды көлік мәселесін шеше алады. Олардың бірі қоғамдық көлікті дамытуды көздейтін болса, екіншісі электромобильдерге көшу жайлы мәселені қозғайды. 

Нусантара қалалық әкімшілігінің экологиялық және цифрлық трансформация жөніндегі орынбасары профессор Мохаммед Али Беравидің айтуы бойынша, болашақ астананы жасыл және экологиялық тұрақты қалаға айналдыру ниетін ескере отырып, Sergek AI платформасы көліктік шығарындыларды модельдеп, big data сараптамасы арқылы ластану нүктелерін анықтай алады дейді.

"Бұл мүмкіндіктер қолданыстағы ATCS және APILL бағдаршам жүйелерімен бірлесе жұмыс атқара алады. Осы секілді интеграция 2045 жылға қарай нөлдік шығарындыларға қол жеткіземіз деген Нусантараның тұрақты даму мақсаттарына сәйкес келеді. Бұл бағдарламалар сенімді цифрлық экожүйені қамтамасыз етеді",- деп бөлісті Мохаммед Али Берави.

"Қазақстан астананы көшіру тәжірибесі бар ел болғандықтан, біз мұның Индонезия үшін қаншалықты маңызды шешім екенін түсінеміз. Біздің пилоттық жобамыз шын мәнінде серіктестік қағидаттарына және Нусантараның мақсаты мен міндеттерін терең түсінуге негізделген жоба болып табылады. Біз "пилоттың" жалғасын асыға күтеміз",- деді Алена Ткаченко, Sergek Group жаһандық нарықтар жөніндегі директоры.

Айта кетерлік, қазіргі уақытта Қазақстан БҰҰ деректеріне сәйкес электрондық үкіметті дамыту рейтингінде 28-ші және онлайн-қызметтер бойынша 8-ші орында. Енді Индонезиядағы Sergek AI платформасының сертификатын осы жетістіктер қатарына қосуға болады. Бұл елімізді әлем бойынша цифрлық әлеуетті дамытуды көздеген мемлекеттер үшін беделді серіктес ретінде көрсетеді.

Сертификат соответствия в Индонезии

large_31_05_Сертификат соответствия в Индонезии.png

medium_31_05_Сертификат соответствия в Индонезии.png

small_31_05_Сертификат соответствия в Индонезии.png

thumbnail_31_05_Сертификат соответствия в Индонезии.png

31_05_Сертификат соответствия в Индонезии.png

Sergek AI платформасы Индонезияда сәйкестік  сертификатын алды

gov.kz сайтында су тасқынына қарсы іс-шаралар орындарынан онлайн трансляция қолжетімді болды. Sergek VMS кешенді бейнебақылау жүйесінің арқасында қазақстандықтар нақты уақыт режимінде Атырау облысы мен Атырау, Орал, Қостанай қалаларындағы жағдайды бақылай алады.

Бөгеттер, бекіністер салу бойынша нақты уақыттағы жұмыстардың барысы туралы барлық жағдайды бейнебақылау камералары арқылы бақылауға болады. Бұл жедел әрекет етуге және маңызды шешімдер қабылдауға мүмкіндік береді.

«Еліміз үшін осындай қиын кезеңде біз де өз тарапымыздан су тасқынына қарсы шараларға өз үлесімізді қосып жатырмыз. Енді әрбір азамат онлайн-трансляция арқылы Орал, Атырау, Қостанай қалаларындағы су тасқынына дайындық бойынша жүргізіліп жатқан жұмыстарды тексере алады. Үлкен суға дайындық бойынша атқарылып жатқан жұмыстар үшін белсенді азаматтарға, компанияларға, төтенше жағдайлар қызметі мен әкімдік қызметкерлеріне алғыс білдіреміз», - деді  Цифрлық даму, инновациялар және аэроғарыш өнеркәсібі министрі Бағдат Мусин.

Қазіргі уақытта gov.kz порталына Атырау қаласы мен Атырау облысы бойынша 22 камерадан, Орал қаласы бойынша 6 камерадан және Қостанай қаласындағы 6 камерадан бейне ағындар шығарылған. Sergek Group мамандары онлайн түрде хабар таратуды Sergek аппараттық-бағдарламалық жүйелері жұмыс істейтін басқа қалаларда іске асыруға дайын.

"Біздің компания пандемия, Қаңтар, Абай облысындағы өрт кезінде қол үшін берген. Бұл жолы да шетте қала алмады. Табиғи апат туралы білгеннен кейін бірден: біз қалай көмектесе аламыз деген сұрақ туындады. Қазіргі уақытта ТЖ жедел штабтарында және зардап шеккен елді мекендерде біздің 14 қызметкер жұмыс істеуде. Олардың барлығы өзен арнасының өзгеруін және су ағынының келуін бақылау үшін бейне мониторинг жүйесінің мүлтіксіз жұмысын қамтамасыз етуде", - деді Sergek Group бас директоры Әсет Ахметов.

Ол сондай-ақ Sergek Group мамандары су тасқыны басталғаннан бері зардап шеккен елді мекендерде барынша көмек көрсетіп жүргенін атап өтті. Компания Freedom Telecom және ҚР ЦДИАӨМ-мен бірлесіп олар Индер ауданының Индер кентінде, Махамбет ауданының бірнеше ауылдарында, Дамба кентінде және Атырау қаласының Зарослый шағын ауданында қашықтан мониторинг жүргізу үшін камералар орнатты, сондай-ақ қажет болған жерде сапалы интернетке қол жеткізуді қамтамасыз етті.

Су тасқынына қарсы іс-шаралар өткізілетін орындардан Онлайн трансляция GOV.KZ (орталық мемлекеттік органдар және жергілікті атқарушы органдар) сайтында осы сілтеме бойынша көрсетіледі: https://www.gov.kz/page/9184?lang=ru

Sergek Video Management System (Sergek VMS) - қоғамдық қауіпсіздік камераларынан бейне ағындарды сақтау және олармен жұмыс істеу жүйесі. Ол қала көшелері мен аулаларында, қоғамдық орындарда, білім беру ұйымдарында, сондай-ақ әуежайларда, вокзалдарда қауіпсіздікті қамтамасыз етуге арналған. Осы жүйенің көмегімен ішкі істер органдарының қызметкерлері әртүрлі жағдайларды бақылап, уақтылы әрекет ете алады.

large_18_04_Паводки.png

medium_18_04_Паводки.png

small_18_04_Паводки.png

thumbnail_18_04_Паводки.png

18_04_Паводки.png

Қазақстандықтар су тасқыны жағдайын онлайн бақылай алады

«Sergek ITS» интеллектуалды көлік жүйесі арқылы Түркістандағы көлік құралдарының рекордтық саны тіркелді. Жолдардағы жағдайды талдау нәтижесінде Наурыз мерекесі қарсаңында автомобильдер саны біртіндеп артып, 24 наурызда ең жоғары деңгейге жеткенін көруге болады. Бұл күні қала жолдарына 107 мыңға жуық көлік шыққан.

Түркістанда көлік құралдарының ең көп саны 101 мыңға жетті, ал 8 наурызда бұл көрсеткіш 102 мыңнан астам көлікті құрады.

"Наурыз мерекесі күндері авто санының артуы ішкі туризмнің дамуына байланысты болуы мүмкін. Түркістан ежелден көктемгі күн мен түннің теңелуін ерекше атап өтетін Қазақстанның тарихи және мәдени орталықтарының бірі болып саналады. Сондықтан көптеген қазақстандықтар ұзақ демалыс күндерін ескере отырып, ұлттық мерекені осында атап өтуді жөн көрулері мүмкін", – деп өз пікірімен Түркістандағы Sergek Group филиалының директоры Абзал Саттаров бөлісті.

Көлік құралдарының жүріп өткен жолына тоқталсақ, ең жоғары көрсеткіш 19 наурызда тіркелген. Осы күні 99 мың көлік қалада 843 мың шақырым жүріп өткен. Айта кетейік, 24 наурызда 107 мың көлік 783 мың шақырымға жүріс жасаған.

Жалпы, мерекелік апта ішінде Түркістанда көлік құралдарының саны бұрынғыға қарағанда 9%-ға, белсенділік – 11%-ға, жүріс 7,4%-ға өсті.

Айта кетейік, «Sergek ITS» интеллектуалды көлік жүйесі Түркістанда өткен жылдың желтоқсан айында іске қосылды. Жүргізілген талдауға сәйкес, көлік құралдарының орташа тәуліктік санының 75%-ы тұрақты автокөліктерге, олардың шамамен 4%-ы таксилерге тиесілі. Қаладан тыс келген көліктер тәулік бойы жүріп өткен қашықтықтың шамамен 13%-ын құрайды.

Мереке күндері Түркістандағы көлік саны_каз

large_4_04_Мереке күндері Түркістандағы көлік саны_каз (1).png

medium_4_04_Мереке күндері Түркістандағы көлік саны_каз (1).png

small_4_04_Мереке күндері Түркістандағы көлік саны_каз (1).png

thumbnail_4_04_Мереке күндері Түркістандағы көлік саны_каз (1).png

4_04_Мереке күндері Түркістандағы көлік саны_каз (1).png

Түркістанда Наурыз мерекесі күндері автокөліктердің  рекордтық саны тіркелді

Наурыз мейрамы қарсаңында IT мамандар Астана мен Алматы жолдарында мереке алдындағы және мереке күндеріндегі көлік кептелісіне талдау жасады. Жаңа жыл мен 8 наурызды мысалға ала отырып, «Sergek ITS» интеллектуалды көлік жүйесі мереке қарсаңында екі қалада да жолдардағы белсенділіктің артатынын көрсетті. Ал, дәл мереке күндері елордада қозғалыс белсенділігі азайса, Алматыда, керісінше, күніне көлік оқиғаларының саны күрт өсіп, мерекенің соңында ғана төмендейді.

Мәселен, Астанада өткен жылдың 31 желтоқсанында 29 желтоқсанмен салыстырғанда автокөлік белсенділігі 18 пайызға төмендеген. Алматыда бұл көрсеткіш 31 желтоқсанда 29 желтоқсандағы белсенділік деңгейімен салыстырғанда 8,5 пайызға дерлік өсті.

Дәл осындай жағдай биылғы жылдың 8 наурыз қарсаңында да байқалды. Осылайша, 7 наурызда Астана мен Алматы жолдарында белсенділік тек күшейді. Бірақ 8 наурызда елорда жолдарындағы көлік қозғалысы төрттен бір бөлігіне қысқарды. Алматыда бұл көрсеткіш, керісінше, мереке алдындағы күнмен салыстырғанда 10,5 пайызға дерлік артқан. Оңтүстік астанадағы көлік белсенділігінің шарықтау шегі 8 наурыз күні сағат 16.00-де болды, содан кейін қаладағы көлік қозғалысы төмендей бастады.

Көліктердің жалпы жүгірісіне келсек, 8 наурызда Астанада бұл көрсеткіш өткен күнмен салыстырғанда 14%-ға, Алматыда небәрі 4%-ға төмендеген.

Мерекеден кейін, айтпақшы, екі қалада да белсенділік пен көлік санының айтарлықтай төмендеуі байқалады.

«Sergek ITS» сарапшыларының айтуынша, Қазақстанда жыл сайын мереке қарсаңында және мереке күндерінде көлік қозғалысы артып келеді. Жаңа жыл мен 8 наурызды салыстыратын болсақ, 31 желтоқсанда Алматыда 512 мыңға жуық автокөлік 19 миллионнан астам қозғалыс жасаған (Sergek жүйесіне түскен ақпаратқа сәйкес). Ал, 8 наурызда 545 мың көлік 27 миллионға жуық қозғалыс жасағанын атап өтуге болады. Биыл Қазақстанда Наурыз мейрамын тойлау он күн бұрын басталғандықтан, 20 және 21 наурызда жолдардағы көлік қозғалысы артады деп күтілуде.

Мұндай талдау жасанды интеллект пен деректерді талдауға негізделген «Sergek ITS» (Intelligent Transportation System) интеллектуалды көлік жүйесінің арқасында мүмкін болғанын атап өткен жөн. Жүйе нақты уақыт режимінде жолдардағы қозғалыс жағдайын бағалауға, қоғамдық көліктердің тиімді маршруттары мен кестелерін жасауға, адамдардың жүріп-тұру себептерін түсінуге мүмкіндік береді.

Жүйе Smart қалаларды құру үшін қолданылады және Астана, Алматы, Шымкент, Түркістан және Өскемендегі Sergek жобаларымен біріктірілген. Сондай-ақ, ағымдағы жылдың ақпан айынан бастап «Sergek ITS» Баликпапан қаласында (Индонезия) пилоттық режимде жұмыс істейді.

large_20_03_kz_инфографика (1).png

medium_20_03_kz_инфографика (1).png

small_20_03_kz_инфографика (1).png

thumbnail_20_03_kz_инфографика (1).png

20_03_kz_инфографика (1).png

Sergek мамандары мереке күндері жолдардағы жағдай қалай өзгеретінін айтып берді

Индонезияда Нусантара қаласының әкімшілігі мен «ақылды» қалаларды құрастыру саласындағы қазақстандық IT көшбасшысы Sergek Group компаниясы бірігіп жасаған пилоттық жобасы іске қосылды. Бұл туралы компания өкілдері Digital Almaty халықаралық цифрлық форумында мәлімдеді. Қазақстандық мамандар көлік қозғалысын талдау және болжау бойынша интеллектуалды көлік жүйесін, сондай-ақ экология және жол қауіпсіздігі саласындағы шешімдерді экспорттайтын болады.

Әзірлеуші ​​компанияның бас директоры Әсет Ахметов Sergek шешімдерінің икемді болуымен ерекше екенін атап өтті. «Индонезияда біз әзірлемелерімізді қолданыстағы инфрақұрылымға біріктіреміз. Жобаны жүзеге асыру алдында біздің мамандар үлкен дайындық жұмыстарын жүргізді. Оған қоса, қауіпсіздік, көлік және экология саласындағы біршама зор тәжірибеміздің арқасында шешімдерімізді Индонезия үшін тиімді түрде бейімдеуге болатынына сенімдіміз», - деп бөлісті Әсет Ахметов.

Пилоттық жобаны дайындау барысында қолданыстағы бас жоспарлар мен стратегиялар, қаланың қажеттіліктері мен басымдықтарына талдау жүргізілді. Сонымен қатар, негізгі мүдделі тараптар – Нусантара мен Баликпапан қалалық әкімшілігі және Көлік министрлігі өкілдерінің қатысумен ақпарат жинау мақсатында бірқатар семинарлар өткізілді.

Sergek Group жаһандық нарықтар бойынша директоры Алена Ткаченко: «Нусантара – Астанамен бауырлас қала, мұнда біздің шешімдеріміз «ақылды» қала құруда маңызды рөл атқарды. Қазақстанның астанасында біз қаланың процестері мен қажеттіліктерін, сондай-ақ адам әлеуетін дамытуды ескере отырып, технологияларды әзірлеп жасадық. Бұл тәжірибе кейінірек Нусантараға және, мүмкін, тұтастай Индонезияға қолданылады» – деп өз пікірімен бөлісті.

Индонезияның болашақ астанасы заманауи мегаполиске айналу міндетті. Бұл қаланың даму стратегиясында белгіленген. Осы мақсатқа жету үшін Нусантара «ақылды» қаланың алты құрамдастарын белсенді түрде дамытуда. Олардың бірі «көлік және мобильділік». Дәл осы компонент пилоттық жобаның негізінде жатыр.

Бұған дейін Нусантара қалалық әкімшілігінің қоршаған ортаны қорғау және цифрлық трансформация жөніндегі орынбасары, профессор Мохаммед Али Берауи озық технологияларды енгізу үшін аталмыш халықаралық ынтымақтастықтың маңыздылығын атап өтті. Индонезияның болашақ астанасының цифрлық экожүйесінің директоры Тони Агус Сетионо да Нусантараны заманауи қала өмірінің үлгі-өнегесіне айналдыру ниетін атап өтті. Осы орайда интеллектуалды көлік жүйесі шешуші рөл атқарады.

Жобаны жүзеге асыру үшін қазақстандық компания технология саласындағы әлемдік көшбасшы Cisco компаниясымен бірлесіп жұмыс істеді. Бұл серіктестік Cisco инфрақұрылымын пайдалана отырып, тиімді қосылымды қамтамасыз етуге бағытталған. Cisco желілік инфрақұрылымын Sergek технологияларымен біріктіру трафикті болжау мен маршрутты оңтайландыру арқылы көшелердегі кептелістерді азайтуға бағытталған болашақтағы жаңа кейстерге негіз болады.

Индонезиядағы Cisco Systems басқарушы директоры Марина Качарибу ынтымақтастықтың маңыздылығын атап өтті: «Үздіксіз, қауіпсіз және жылдам қосылу цифрландырудың кез келген күшінің негізі болып табылады. Осы пилоттық жобаның бір бөлігі ретінде Sergek компаниясының бізді серіктес ретінде таңдағанына қуаныштымыз. Бұл ынтымақтастық біздің технологиямызды ғана емес, сонымен қатар Нусантара серіктестерінің экожүйесі арқылы нәтижелерге қалай қол жеткізе алатынымызды дәлелдейді. Cisco-да біз әрқашан: «Егер сіз оны елестете алсаңыз, біз сізді сол жерге апаратын көпір саламыз» деп айтамыз. Нусантара қалалық әкімшілігі және Sergek компаниясымен жұмыс жасағанымыз біз үшін үлкен мәртебе».

Сонымен қатар, пилоттық жобаны жүзеге асыру мақсатында Sergek Group және PT Telkom Indonesia компаниялары арасында Интернетпен қамтамасыз ету бойынша стратегиялық серіктестік жөнінде келісімге қол қойылды.

Жаңалықтар

Тақырып бойынша

Алматыда агрессивті жүргізушілер қанша уақыт «ұтып» жүр?

Алматылық қоғам белсенділері мен сарапшылар жол қауіпсіздігін қалай жақсартуға болатынын талқылады

Астана мен Алматыда ыңғайлы қозғалыс үшін көлік санының шегі белгілі болды

Алматыда автомобиль шығарындыларын бақылауға арналған спектрометрлер жұмысын бастады

Күзгі кептелістер: қыркүйек айында Астана және Алматы жолдарының кептелісін талдау

Sergek экодатчиктері Алматының ауасын зерттеді

Идеядан мұқабаға дейін: БАҚ бетіне шығу үшін стартапты қалай ұсынуға болады?

Қазақстандық IT-компания халықаралық байқауда алтын жүлдегер атанды

Су тасқынынан зардап шеккен өңірлерде тұрғын үй құрылысының барысын Sergek арқылы бақылауға болады

Sergek AI платформасы Индонезияда сәйкестік сертификатын алды

Қазақстандықтар су тасқыны жағдайын онлайн бақылай алады

Түркістанда Наурыз мерекесі күндері автокөліктердің рекордтық саны тіркелді

Sergek мамандары мереке күндері жолдардағы жағдай қалай өзгеретінін айтып берді

Sergek Индонезияда пилоттық жобаны бастады

Ақпарат

Байланыс

TELEGRAM Каналдар